42歲楊采妮(Charlie)日前宣佈懷孕5個月，姊妹梁詠琪同李心潔新年嗰陣就專登飛過新加坡探佢，仲分享陀B同湊仔心得。

Charlie呢排安心養胎，仲開心share自己嘅懷孕過程，人妻舒淇亦喺微博貼文，祝福呢位準媽咪。而Charlie啱啱亦禮尚往來。貼文話：「其實我跟許多人一樣……也好期待看到小舒淇、小Stephen！能想像馮先生馮太太倆位的基因可生出的小盆有多棒嗎？好期待喔！」

其實今年40歲嘅舒淇，做咗馮太後，同老公各有各忙，未有聲氣打算造人，不過近日舒淇喺微博自貼一張同張震囡囡小源寶嘅合照，個母愛樣出晒嚟，唔知呢位人妻，幾時可以升呢做人母呢！