詩詞歌賦係中國文化嘅瑰寶，一首好嘅作品可以達到言有盡而意無窮嘅境界，絕對經得起時間考驗。康樂文化事務署噚日舉行「第十五屆全港詩詞創作比賽」頒獎典禮，睇見學生組嘅得獎作品，唔單止有大學生作品，當中亦有中學生作品，原來香港年輕一輩都有唔少人鍾意吟詩作對。
得到優異獎嘅中六生許惠強，得獎作品《秦皇》，以暴君秦始皇作主角，佢同八方講，平日歷史課中不時要讀秦始皇嘅課題，佢期望透過詩句，表達千古對秦始皇政績嘅評價。
至於喺樹仁學院讀中文系嘅亞軍得主程彥就話，佢最鍾意就係去啲環境優美嘅公園，啟發創作意念。奪得冠軍嘅作品題為《自由行》，作者乃中大學生黃令時，佢噚日冇出席，好似去咗海外交流啩。