曾理直氣壯反對網遊，口口聲聲指網遊不會改變中國現狀，靠網遊賺錢不符合他的價值觀，連一句「餓死也不做遊戲」亦被收納為語錄；今年1月8日呢？還不又是另一樁典型「今天的我打倒昨天的我」！
眼見騰訊（700）一家獨大、利潤豐厚，利字當頭搞網遊，還要以高於市場一貫向開發商支付10%分成的比例利誘遊戲開發商，直接向霸主騰訊挑機；美其名要打破壟斷，當年人哋開荒又唔見得你擁有如此遠見加入戰團，正式係瘦田冇人耕，耕開有人爭。
典型見錢開眼，還談甚麼價值觀。歪理變真理，莫過於此！

假如說淘寶、天貓、雲係現金牛，真正的核心資產「支付寶」，就是會生金蛋的鵝。說到底，若然沒有超級強者在背後發功，斷估誰也休想如此放任地既要搞金融又話要招兵買馬搞石化，統統係戰略性產業！沒有官方祝福、政策傾斜，淨係要打通樓上一大堆乜委物委的任篤二脈，都煩到嘔啦！何來還捱得到做大做強？
上一鋪拋出B2B業務，獨欠淘寶網，香江股民仍視之為萬人迷，股民才是最典型「一嚿雲」；今次上市擺明唔包「支付寶」，更不包與同樣大把股民13蚊中伏的復星國際（656）合作搞的明日之星菜鳥物流，難得大家仍鍥而不捨，高唱「何日雲再來？」
所謂甚麼牽涉到國家金融安全，豈容老外分杯羹云云，總有辯駁理由。說實在，同股不同權非最大關鍵。
最惹人疑竇反而是拒絕讓阿里跟母公司簽不競爭協議，又不肯延長禁售期；我信佢遠走他鄉係無奈之選，至今仍妄想香港芝麻開門，但又要騷底線，想倒逼香江就範，跟佢規則辦事；猶如政棍，又想去上海，又要開條件，連自己的身份和責任都搞不清，去得咁辛苦，死開啦！勉強冇幸福。

胡孟青
獨立股評人