當年今日
關於我們

【整容、出軌?】楊冪大陸獲獎自嘲:我是全世界最不缺黑歷史的女明星

蘋果日報 2017/12/29 13:53

楊冪黑歷史女明星年度之星

劉愷威嘅老婆楊冪噚晚喺大陸出席一個網站嘅頒獎典禮,楊冪更獲頒年度之星,講到得獎感受時,佢真係好有感而發咁話:「我是全世界最不缺黑歷史的女明星」。
楊冪口中嘅「黑」,並唔係運氣嘅黑,而係被抹黑嘅黑嘅喎!佢領獎時,講到得獎感受,就話恰好證明了一個背負大眾賦予人設嘅女演員,能靠自己的初心走幾遠。楊冪話:「自己是最不缺黑歷史的女明星,如果有人設(意即公眾形象),那也是『崩無可崩』(指形象受損)了。」但係佢話自己並冇放棄,仲好努力咁企喺台上,「別人給你人設給你猜想不重要,明白你的專業是什麼、要做好的事情是什麼,別人說你是流量也好、演員也好、明星也好,但你自己要傳達的東西是什麼?不管對我的評價聲音是什麼,我在努力和遵循的是匠心精神,做好重要的事情。」
最後楊冪仲話:「人設崩塌如我都可以站在這裏和大家開開心心分享,希望正能量能影響更多的人,去做好自己重要的事情。希望遊樂場裏玩得開心。」
咁出道15年嘅楊冪又曾經有咩被「黑」呢?
睇睇先,原來都唔少㗎喎,好似話佢整容、出軌、離婚、唱歌難聽等等...不過楊冪能夠喺領獎時,幽自己一默,真係唔係人人做到㗎!

【minigame】2017瘋暈人物 返工打機唔使擇日
http://bit.ly/2CeWQkP

更多娛聞,喺晒《娛果》
http://fb.com/appledailyent
empty
楊冪噚晚喺大陸奪年度之星,笑言自己係全世界最不缺黑歷史的女明星。
empty
(互聯網圖片)
empty
曾與李易峰傳緋聞。(網上圖片)
empty
(資料圖片)