當年今日
關於我們

伍詠薇受訪 除咗陳山聰乜都答

蘋果日報 2013/05/23 06:00

伍詠薇

伍詠薇一向敢言率直,佢今日接受商台《1圈圈》錄音訪問,主持人喺節目透露約訪問時,伍姑娘私下指唯一條件係唔回答前好友陳山聰嘅問題,話係唔想抽任何人水。

節目中佢話呢個圈內面認識多位好友:「入呢行最大收獲,識咗幾個好朋友,袁詠儀,係生命中不能錯過嘅女人,好似上一世已經一齊,仲有黃佩霞、陳敏芝、張智霖,都係我好重要嘅人。」

咁問到有冇朋友令佢想割蓆,伍姑娘話:「好少,只發生過一次。我冇話exactly點樣割蓆,交朋友如上車落車,如當時對話發生一啲說話有唔舒服感覺,溝通令你唔舒服,我就選擇唔出聲。」但之後可會再做朋友?佢就話:「我唔諗咁多,但選擇咗唔回頭就唔回頭。」佢一向撐朋友,但若過道德範圍會點算,佢話:「撐人一定啱,但over一啲底線我會鬧你,話你過咗條線,你仲要做我就唔啋你。」



逢周五隨《蘋果日報》附送嘅時尚美容雜誌《add》第三期雖然早已派完;拎唔到書嘅朋友,可以上番《add》嘅官網 http://add.appledaily.com睇番足本網上版,除咗有何超瓊專訪,仲有好多時裝靚嘢睇!