這晚（5日）谷草臨尾由外籍騎師連下兩城，先是潘頓夥拍方嘉柏馬房「琴心星」攻下第七場，然後輪到騎練史卓豐、沈集成組合，以「醉多福」勝出第八場二班1200米，後駒單Win及組合獨贏A1分別派46及25元。

當中，沈集成除了「醉多福」外，連同第三場由徒弟巫顯東贏「最驫」，成功起孖，成為今季谷草開鑼戰最佳練馬師，史卓豐亦告季內首度贏馬。

回說「醉多福」，最初由文家良訓練，上季後期轉投沈集成，季尾以沈廐馬身份上陣兩次，全勝谷中三班1200米。今仗季內復出，初跑二班在同程再下一城，沿途守第九位，直路較遲才撻着，臨尾一湧而上，險勝短馬頭位。

「醉多福」至今累積三戰谷草全勝(皆是1200米)，兼保持轉廐後出賽不敗，替沈集成贏盡口碑。

沈集成表示「醉多福」會以跑馬地百萬挑戰盃為目標，他謂此駒今場轉彎時蝕多咗位，如果唔係應可贏得更易。他又指「醉多福」谷草1200米正宗，但爭百萬挑戰盃二班賽程卻不多，故此真係要仔細研究，睇睇如何部署。

「醉多福」閘前跌票變次熱，後上影相氣走大熱門「好吉利」取勝，「好吉利」鬥輸做阿二，兩駒攜手開出7倍大熱連贏，三、四名分別為「喜進」及「亞馬寶寶」。