現年48歲嘅羅霖，自從同劉坤銘離婚後，反而更加活躍娛樂圈，雖然貴為三子之母，但羅霖唔再錫身，頻以低胸性感形象示人。

而羅霖早前接拍由陶傑首次任導演嘅處男作《愛．尋．迷》，近日劇照曝光，戲中羅霖盡展熟女風情，除咗獻上銀幕初吻外，佢同30歲關楚耀（Kelvin），於新戲肉搏連場，Kelvin仲向羅霖摸胸兼錫胸，場面火辣，而羅霖亦演得非常入戲。

兩人於戲中喺Salon洗頭椅開始調情，Kelvin由洗頭變摸胸，最後兩人爆「床戰」，羅霖任由Kelvin擺佈，而羅霖亦展示堅挺「不倒胸」。

Kelvin表示拍攝期間冇尷尬，反而就指羅霖有少少緊張，佢話：「佢將第一次螢幕初吻畀咗我，佢呢個年紀仲咁弗，真係好索。」

導演陶傑就大讚羅霖：「佢保養得好好，同埋個樣好性感，高貴得嚟有種純真味。」陶傑又強調新戲並非賣弄色情，只係作為表達主題嘅一種手段。