【本報訊】鄉議局為香港求得上籤，有解籤師傅指特首戰對女候選人有利，但兩年前遭麒麟撞倒的新民黨葉劉淑儀今年被居士批會「衰足3年」，能當上特首機會甚微。葉劉昨反叫這位居士留意其言論，指若有人的言論影響選舉結果或屬違法。該解籤師傅反指葉劉「黐線」：「佢鍾意就告我囉！」
葉劉昨早7時應墟市關注組邀請，到訪觀塘天光墟。對於有解籤師傅指她前年被麒麟撞飛將會衰足3年，當選特首機會甚微，葉劉指解籤師傅應留意選舉條例，並警告他或違法：「呢個居士，我諗佢應該留意吓呢個《選舉（舞弊及非法行為）條例》，如果喺選舉期間，有人發言影響咗選舉結果，可能係犯法」。

師傅：黐線！鍾意就告我

曾指葉劉「3年衰運未過」的解籤師傅陳天恩再接受記者電話訪問稱，自己只是依照籤文分析，「佢鍾意信就信，唔信就唔信，我冇得回應」。他對被指控或違例感詫異，「佢黐線㗎嘛，話知佢啦，佢鍾意就告我囉」。
林鄭被指獲中聯辦幫忙拉票，葉劉稱不知中聯辦在今次特首選舉有何角色，「因為我冇搵佢哋（中聯辦）幫忙」，強調自己沒有向中聯辦拜票。正努力不停約見泛民選委，反應比傳統建制派好：「（見泛民選委）見到欲罷不能㖭。」葉劉又指，至今仍希望約見資訊科技界選委。她又重申，有信心能取得160名選委提名入閘。
葉劉在到訪天光墟時，有檔主向她反映經常被食環署職員趕走，葉劉認為政府人員在保持街道暢通之外，新年時節可寬免這些攤檔，讓基層人士自力更生。
■記者林俊謙