【影視博覽】余香凝自爆同前輩錫錫好浪漫 吳卓羲:最棹忌呢啲
學警雄心余香凝飛虎之雷霆極戰飛虎蔡潔黃宗澤吳卓羲邵氏網劇
邵氏兄弟影視今日在灣仔影視博覽公佈相關項目,重頭電影有劉偉強監製、古天樂主演《使徒行者諜影行動》,還有黃宗澤(Bosco)、吳卓羲、苗僑偉(三哥)再續前緣拍攝《飛虎之雷霆極戰》網劇,不過一眾演員對於戲劇中角色內容均保持神秘,眾人都不能詳談。
《飛虎》監製及導演查傳誼在台上作出控訴,他說:「要投訴香港政府拍嘢好麻煩,以前邊度爆破都得,而家要申請,申請係啱,但公共關係科批,環頭又唔批,借機投訴吓,希望少啲掣肘。」余香凝和蔡潔一同參演《飛虎》,劇中二人爭吳卓羲,余香凝說:「會強吻Ron(吳卓羲),佢個樣好唔情願,記得拍時喺海邊好凍,流鼻水,我好少拍錫嘴戲,都幾緊張,又係前輩,覺得好夢幻,以前睇《學警雄心》,而家就錫錫。」蔡潔和吳卓羲同樣有親熱戲,她說:「之前我演角色好陰沉,今次性格開朗,感情最浪漫一次,拍得好開心,同余香凝未入行試鏡時已認識,第一次合作,都好期待。」
提到吳卓羲劇中艷福無邊,他說:「冇第一輯咁香艷,早晚都床上傾偈。」現年25歲的余香凝指和已經39歲的吳卓羲拍咀戲好夢幻,因為以前在電視看《學警》,現在竟和對方親嘴,吳卓羲聞言即笑說:「唔係啩,佢同我差唔多年紀啫,最棹忌係呢啲,我都唔敢同三哥咁講,睇完《天師執位》,我都係話最近睇,唔敢話係細細個睇,可能佢都唔識三哥,唔知佢夠唔夠膽同三哥咁講呢?」身邊Bosco即幫口:「咁講冇修養呀,衰在我哋冇教吓佢點講。」
此外,Bosco早前赴馬來西亞被拍到樓盤掃單位做樓王,他表示之前已經在馬拉置業:「今次過去開會順便睇樓,未落實,阿媽教落買磚頭穩陣,現時喺馬拉、內地、香港都有物業。」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
今日網劇《飛虎之雷霆極戰》在影視博覽宣傳,吳卓羲、苗僑偉及黃宗澤出席。