當年今日
關於我們

【肉食女好寂寞】深田恭子Gay吧買醉:冇男人瞓唔着

蘋果日報 2016/08/30 16:00

深田恭子龜梨和也Gay吧藤岡靛

現年33歲嘅日本女星深田恭子轉眼今年已經入行20年,屬圈中數一數二肉食女嘅佢,經常向男拍檔埋手,上年同龜梨和也傳出姊弟戀之後,今年就向人夫藤岡靛送秋波,好彩藤岡靛定力夠。
深田恭子一向係新宿二丁目嘅Gay吧常客,近日佢經常被目睹到同志吧買醉,據二丁目嘅食店職員爆料,話見過深田恭子帶埋幾個後生仔去飲嘢,飲到醉醺醺嘅佢就算被抽水都唔介意,仲會豪氣幫埋其他人埋單。深田恭子又被爆次次都不醉無歸,仲話:「冇男人喺身邊瞓唔着。」睇嚟呢排冇目標嘅深田恭子相當寂寞。