官恩娜（Ella）今日o係科學園出席「認珍惜食＠科學園」綠色活動，今次活動係為推廣環保，Ella話：「好有意義，我本身都鍾意食菜同蔬果，同埋都戒咗牛一年，真係唔經唔覺。」

問佢點解會戒牛？佢話因為之前大嶼山撞死牛事件，覺得好殘忍，同埋唔食牛可以減碳，對全世界都好啲，亦都係為左下一代著想。

Ella話都有諗過食全素，但要慢慢先行出到第一步，0依家由GreenMonday做起。佢話：「0依家唔食牛皮膚都好啲，脾氣都好啲。」至於男友，Ella話男友已十幾、二十年冇食牛，所以都帶動到佢一齊環保。

講到澳門五一勞動節搞既騷，被指係維穩騷，問Ella係咪會參加？佢就話交咗俾公司處理，睇下公司點安排。但如果公司要佢去係咪都會照去？Ella表示：「公司仲了解緊，會再通知我。」但以Ella所知，係有簽到合約。Ella仲話：「我只係想做音樂分享，分享自己嘅歌曲。」