熊黛林(Lynn)、甄子丹、吳千語及張晉等,今日喺九龍灣Megabox出席《葉問3》煞科宴暨預告片首播記招。
身穿白色超deepV打扮到場嘅Lynn,性感得令在場男士不敢正視,甄子丹更笑謂:「Lynn你使唔使呀?咁我望邊好?你有冇去錯記者會?」事後甄子丹笑言睇唔慣咁性感嘅Lynn:「因為戲入面嘅葉太好保守,所以我先問佢係咪嚟錯記者會。」
Lynn接受訪問時表示,由於太耐冇見香港傳媒,故特意打扮得靚啲。提到好友Angelababy下月結婚一事,千語BB跟Lynn表示,因工作未能出席,Lynn更透露因見到好友結婚,而有此衝動:「我都到咗適婚年齡好耐,加上我係一定要生小朋友,所以希望有人可以大膽啲開口,呢啲冇理由要我自己講。」