【年尾派歌】何雁詩婚禮交晒畀父母 30歲後先再諗生仔
蘋果日報 2020/06/30 16:58
何雁詩吳林峰
何雁詩今日到電台宣傳新歌《絕望時請點播》，她稱這曲是今年第二首派台歌，內容講追逐夢想的過程免遇到困難但請不要放棄。又計劃會在年尾結婚前多派一首甜蜜情歌。
何雁詩稱今次自己有份作曲，創作過程中未婚夫鄭俊弘都有給意見，又笑說：「佢曾經有話過不如我幫你作寫返你個名，我話唔需要啦，等我自己嚟。」
講到婚禮籌備，何雁詩表示主要由wedding planner和爸爸媽媽去搞：「最緊要屋企人佢哋開心。」講到婚後會否立刻造人？她笑說：「未諗住，我想過咗三十歲後先，但講吓原來得返幾年。」
另外，創作歌手吳林峰今日到電台宣傳新歌《巴士光年》，新歌取材自一程坐巴士的經歷，自言平日喜好坐巴士的他憶述一次趕時間但遇着塞車：「坐對面一對母子，媽媽因為塞車好忟憎，但佢4、5歲嘅仔講咗一句『你急乜嘢？去唔到咪唔去囉有咩所謂？』呢句好深刻，所以就有呢首歌。」
新歌MV同樣在巴士上拍攝，內容圍繞日常在巴士上發生的趣怪事。提到首張個人EP將會在8、9月推出， 他表示唱片本計劃上年推出：「上年實在太多嘢發生，大家都預計唔到又冇得改變，既然係咁就唯有順其自然。」又稱唱片會圍繞夢想和生活為主題。
何雁詩今日到電台宣傳新歌《絕望時請點播》，計劃在年尾結婚前多派一首。
講到婚禮籌備，何雁詩表示主要由wedding planner和爸爸媽媽去搞。
創作歌手吳林峰今日到電台宣傳新歌《巴士光年》。
他表示唱片本計劃上年推出：「上年實在太多嘢發生，大家都預計唔到又冇得改變。」