曹眾近日成為纖體公司的代言人，體形消瘦了不少，她日前更穿上三點式泳衣拍照，以顯示keepfit後的優美體態。問到曹眾有甚麼keepfit心得，她說：「我覺得小心選擇食物同保持心境開朗好重要，尤其係SARS爆發後，我特別注意飲食，呢排都減少食澱粉質食物，反而食多咗蔬菜。」

經常保持笑容
至於怎樣保持心境開朗？曹眾說：「開心時，我會盡量笑出嚟，平時我都會用shopping嚟獎勵自己，呢排我瘦咗咁多，自信心即返晒嚟，我於是獎勵自己買過晒衣櫃嘅新衫，嗰度都花咗約六位數字。不過冇所謂，因為着靚衫可以令自己轉換新形象。」
曹眾當年曾跟無綫行政主席邵逸夫爵士（六叔）十指緊扣前往看電影，問她平時在工作上可會向這位長輩詢問意見，曹眾說：「六叔咁忙，其實無論任何人，只要自己做得好，都一定好多人會睇到。而且最重要係做嘅嘢有成績，同埋挑戰到自己。」

八月做紀念騷
曹眾近日的工作接踵而來，她表示除了要拍攝新一輯纖體靚相外，她又要為八月舉行的紀念鄧麗君綜合活動做綵排，曹眾說：「因受SARS影響，個騷延遲咗，八月先舉行，我會親自排一段舞嚟跳，希望觀眾會鍾意。」
採訪：比華利　攝影：仇志中　
協力：羅慧敏　泳衣：PrivateShop
髮型：DaphneChan（藝匠影廊）