【獨立精神電影獎】22歲添麥菲封最佳男主角 法蘭絲大熱稱后

蘋果日報 2018/03/04 11:30

廣告牌殺人事件添麥菲查洛美以你的名字呼喚我法蘭絲麥杜文
    第90屆奧斯卡頒獎禮將於香港時間明日早上舉行，被譽為「奧斯卡終極前哨戰」嘅第33屆美國獨立精神電影獎今日喺洛杉磯舉行頒獎禮，22歲影壇新貴添麥菲查洛美（Timothee Chalamet）憑《以你的名字呼喚我》（Call Me By Your Name），打敗《訪．嚇》（Get Out）男主角丹尼爾卡魯亞（Daniel Kaluuya）、《命中有罪》（Good Time）男星羅拔柏迪臣（Robert Pattinson）與《荷里活爛片王》（The Disaster Artist）男星占士法蘭高（James Franco）等獲得最佳男主角，成為史上第三位最年輕獨立精神電影獎影帝。
    添麥菲上台領獎時指正享受這一刻，因為唔知道仲有冇可能再發生，又謂：「兩年前我演戲時不用擔心要跟桃做愛，因為沒人知道我是誰，但我現在要考慮多一點。」該片同時獲得最佳攝影。
    至於最佳女主角係《廣告牌殺人事件》（Three Billboards Outside Ebbing, Missouri）金球影后法蘭絲麥杜文（Frances McDormand），佢亦係繼茱莉安摩亞（Julianne Moore）後，第二位領過兩屆獨立精神電影獎影后女星，由於今次頒獎禮唔使着得好隆重，法蘭絲領獎時仲除鞋向大家展示佢着住毛毛拖鞋。
    而《廣告牌殺人事件》男星森洛威爾（Sam Rockwell）亦以大熱姿態奪得最佳男配角，最佳女配角則係《冰之驕女》（I, Tonya）女星艾莉遜珍妮（Allison Janney）。

    精選娛聞，喺晒《娛果》
    http://fb.com/appledailyent
    empty
    添麥菲查洛美憑《以你的名字呼喚我》獲最佳男主角。（美聯社）
    empty
    佢係史上第三位最年輕獨立精神電影獎影帝。（路透社）
    empty
    《廣告牌殺人事件》法蘭絲麥杜文大熱封后。（路透社）
    empty
    法蘭絲領獎時除鞋向大家展示着住嘅毛毛拖鞋。（路透社）
    empty
    《廣告牌殺人事件》男星森洛威爾（Sam Rockwell）再掃走最佳男配角。（美聯社）
    empty
    女配角則係《冰之驕女》女星艾莉遜珍妮。（美聯社）