鄧健泓（Patrick）最近參加了第七屆微電影「創+作」支援計劃（音樂篇），首次執導微電影《DREAMS COME TRUE》，並兼任編劇、監製與剪接等製作，找來太太石詠莉（Sukie）一人分飾兩角，夫妻檔拍住上。日前他們在中環舉行電影欣賞會，電影以幸福為主題，希望帶出珍惜這訊息，Patrick似乎愛上當電影導演，拍片拍上癮，他透露已開始籌備另一部電影，希望可以向電影導演之路進發，他說：「希望大家喺微電影睇到我嘅少少才華，成功得到獎項，我希望申請首部劇情片電影計劃，故仔、角色都諗好晒，希望搵到某個有份量嘅演員去演，Sukie就可以做到佢嘅年青版，我好想做到鍾意做嘅嘢。」

今次獲20萬元資助拍攝微電影，卻超資數萬，為的是拍出唯美的電影，Patrick說：「過去幾個月我嘔心瀝血，以往拍開故事性嘅MV，第一次執導微電影，係辛苦啲，但好享受，身心都有壓力，難過做一張唱片，可能我對美感好執着，其實對手都好強，我好開心過程中好多得着。」Suki笑言超資會在Patrick的零用錢中扣除，而Suki更擔任「財政大神」，負責管數。

Patrick更笑言屈太太不收分文演出，Patrick說：「製作單位梗係要畀錢演員，我就屈得就屈！除咗另一半，好多人要多謝，其實我哋有一場揸車戲，咁車就梗係要嚟撞㗎啦！撞車就梗係要落雨，最後又要封路、又水車、買保險，不過好多謝錢家樂同錢家班，佢哋講咗一句令我好感動『我哋唔係只係拍大片嘅，所有有心做嘅香港電影都會支持』佢哋義無反顧，基本上係義務幫我哋，仲要多謝李日朗友情價演出。」

採訪：羅慧敏
攝影：仇志德
髮型：Euling@AVEDA· IL COLPO TST
場地提供：BUNGALOW

-----------------------------
第三屆最港電影大獎
按此立即投票
-----------------------------

《果GYM》隨身播 　健身壹App過！

一按即玩