近期潘頓停賽唔見咗不少頭馬，例如剛戰（23日）羅富全馬房的勝出馬「達龍駒」，始終呢匹馬有機會爭甚至乎贏打吡，家陣畀蘇兆輝贏完，據知幕後或不會用番潘頓，除非將來蘇兆輝返英國唔得閒重臨策騎。

今晚（26日）谷草夜賽，潘頓最後一日停賽，隨時又唔見多匹頭馬。其中跑第五場四班1200米的「喝采」，上仗由潘頓贏馬，今次潘頓停賽，廐主「超級丁」丁冠豪搵咗Matthew蔡明紹幫手，蔡明紹亦因此失而復得此駒。

始終季內「喝采」首三仗都由蔡明紹操刀，並攞到1亞1季，成績唔錯，今次蔡明紹有幸再騎，佢一定會全力以赴，馬房消息謂呢匹馬上次贏完狀態更fit，再攻強項谷草1200米，有機會再建一功。