陳瀅（Jeannie）今日喺九龍灣出席動漫《櫻桃小丸子》同餐廳crossover嘅活動，佢話自己有份參演嗰套大台台慶劇《跳躍生命線》即將播映，感到好開心，當係送畀自己下月22號29歲嘅生日禮物，問到佢有冇壓力？Jeannie話：「反而有少少信心，今次同羅蘭姐演兩嫲孫，因為係婆婆湊大我，我投放返感情喺裏面，自己睇番都眼濕濕。」問到有冇諗過攞獎？佢就話：「呢樣絕對唔會諗，影響到觀眾已經好好。」

講到就嚟踏入3字頭，Jeannie就話冇乜太大感受，已經冇乜諗大搞，希望同最親密嘅朋友親人一齊過就最實際，問佢有冇追求者約會？佢話：「有人問過生日想做乜，但我好大機會要做嘢，工作中度過都開心。」

另外，小丸子中港台代理王友良現身活動，佢授權小丸子加入cafe，仲有新嘅故事創作，王友良話：「今次會有AR、紀念品同遊戲，仲有新故事，加入多啲新元素，希望將小丸子精神發揚光大。」

精選娛聞，喺晒《娛果》
http://fb.com/appledailyent