昨日中國銀行（香港）有限公司入稟高等法院申請一名叫龔汝華(KungYuWah,Bonidy）的人士破產，名字正跟前女藝人麥翠嫻的丈夫龔汝華一樣。而法庭資料亦與龔汝華的名片和公司登記資料脗合。
記者昨日致電麥翠嫻，她說：「我唔知喎，等我得閒見到面先問吓佢。你突然咁問我都好愕然。我哋嘅經濟都冇問題。」記者昨日在旺角一間珠寶店找到龔汝華，他正在店中工作，求證被申請破產一事，他說：「冇喎，唔係我，唔關我事，有乜嘢問我老婆，我喺呢間珠寶店做兼職，係做顧問。」

曾被追討三百萬
據資料顯示，於○○年三月，長實集團公布，龔汝華與麥翠嫻有份投資的兩間公司Fortunetop2000Limited及GoldwingInternationalDevelopmentLimited，於九七年以一千五百零六萬元購入海逸豪園第一期綠庭軒第一座及第二座兩個單位，至九八年八月向項目發展商興訟「踢契」，惟高等法院判發展商勝訴，而由於麥翠嫻夫婦的公司未有依期完成交易，結果遭追討賠償三百餘萬元。
案件編號：HCB519/04
採訪：比華利、梁瑞珮
攝影：何永寧