【新增動新聞】
位於佐敦新填地街的麗香園，今日正式拉閘結業，為逾半世紀的歷史畫上句號。不少茶客特意到場道別，50多年的回憶一次湧現。人稱「B哥」的老闆楊漢源在店內向老茶客們逐一寒暄，「連舖都賣埋，如果唔賣，我又唔捨得唔做㗎啦」。有茶客指，即使移民外國，仍要每年回港，「就係返嚟飲杯奶茶」。

咖央多士、樽仔奶茶，是麗香園的「招牌」，多年來俘虜茶客的胃。已光顧逾40年的街坊陸小姐即使移民外國，每年也要回來一次，為的只是喝一杯麗香園的奶茶，「依家回流返嚟，就日日落嚟飲，一嚟近，二嚟一班街坊真係好有感情，佢杯奶茶第二度飲唔到」。她說，麗香園是一眾街坊的聚腳地，「我叫老細做阿B或者B哥，大家都好熟。飲咗成40幾年，突然話唔做，好唔捨得」。

另一老茶客楊先生，甫入店內即與B哥「動手動腳」，「我係老細細佬，不過係契嘅」。他說，1978年時由朋友帶來飲奶茶，自此一飲愛上，至今每星期要光顧3、4次「嗰陣我20幾歲，細個窮，未飲過奶茶，嗰次係第一次飲」。他稱當時在附近工作，習慣早上到麗香園飲茶，下午3時多又會與街坊們不約而同地飲下午茶，「嗰陣杯奶茶係老細親自沖，好好飲」。他

更半開玩笑指，年輕時曾暗戀過老闆的妹妹，「佢後生好靚㗎，仲問過老細佢個妹鐘意咩類型嘅男仔。依家佢都做咗人哋阿嫲啦」。原本在佛山公幹的他說，對多年來的聚腳地要結業感到非常不捨，特意來道別，「知道佢執笠，咪特登嚟賀下佢。大家都好好玩，外面搵唔返」。

老闆B哥則說，開業多年的麗香園充滿不少難忘回憶，直言每名茶客都是「老友記」，猶如一個大家庭，「我做咗三代茶客，睇住佢哋大個同結婚。一入到嚟我就知佢飲咩，知佢坐邊，好似返屋企咁，佢唔嚟過唔舒服，飲完唐茶再嚟呢度飲西茶」。現年已68歲的他認為是時候退休，故決定結束這間55年歷史的冰廳，「連舖都賣埋，如果唔賣，我又唔捨得唔做㗎啦」。他指，已將「功夫」傳授伙計，「佢哋喺對面茶檔繼續做，再賣咖央同樽仔奶茶。（到你做茶客？）我去做顧問」。