地產分析員王震宇就指出，辣招前發展商銷售新盤仍有兩至四成的溢價，目前新地僅劈價一成多，仍有水位，未去到與二手樓睇齊，相信二手樓仍可企穩一段時間。嶺南大學經濟學系主任何濼生表示：「發展商劈價，提供一個訊息畀二手業主，真係要劈喎！其實客觀情況係，你唔劈價，係賣唔出，一個比較大幅少少嘅劈價，二手業主會驚，會擔心係跌嘅開始，可能會觸發一個恐慌，所以唔好以為辣招好過癮，慢慢陰乾，一驚嘅時候，觸發恐慌性拋售，你就會變咗泡沫爆破。」