當年今日

如娛得水:任港秀「葡萄牙發威贏波蘭」

蘋果日報 2002/06/10 00:00


球星如雲的葡萄牙今天對波蘭,形勢上不能再輸,任港秀(圖)估今場葡萄牙會發威,贏波蘭二比○。
任港秀說:「上場美國爆冷贏咗葡萄牙三比二,波蘭又輸咗畀南韓,今次兩隊波碰頭,我就睇好葡萄牙嘞,佢哋今次實贏!」

費高入1球唔係問題
上次葡萄牙輸波,跌爛不少人啲眼鏡,連任港秀亦不例外。她說:「我聽人講葡萄牙好勁㗎,但居然都輸波,不過我認為唔會兩次都會爆冷嘅,上次波蘭連南韓都贏唔到,踢得咁曳,所以我都係睇好葡萄牙會贏,跟住再贏埋南韓,咁就出到線啦!」
問任港秀在眾多葡萄牙球員中,看好誰人今場會入波?她說:「梗係費高啦,佢係球王嚟㗎,咁好波嘅球員,入一球我諗唔係問題啩?」