當年今日
關於我們
【稱職住家菜】陳倩揚叫老公學吓大仔講甜言蜜語
蘋果日報 2017/06/27 14:16
食譜
素食
陳倩揚
倩揚話老公要學吓大仔咁向佢講甜言蜜語。
陳倩揚出名係健康媽咪,今日佢就去到尖沙嘴出席「Green Monday綠在家中 GIY」活動,倩揚寫咗4個素食食譜同大家分享,佢話好多食物小朋友都好抗拒,所以佢鍾意諗啲獨特嘅住家食譜,都係為咗大家嘅健康。
問到老公有冇讚佢係一個稱職嘅「住家菜」?倩揚哈哈大笑話:「我本身係好好嘅『住家菜』,老公就實際啲,佢清晒啲嘢就表示OK,但就投訴我搞到佢個肚腩好大,佢同個仔都好支持,老公就只識食,大仔就會講好味過出面餐廳,我會同老公講學吓個仔嘅甜言蜜語。」倩揚仲話希望儲多啲食譜,1、2年後可以集結成書,o依家佢不時會喺互聯網親身示範,佢話:「大家睇片會清楚點整。」
攝影:羅慧敏