現年47歲嘅韓國女星高賢貞，早前拍攝新劇《Return》時爆出與劇集導演朱東民鬧不和，甚至有指高賢貞於現場打導演兼爆粗，最後遭SBS踢出劇組。

而高賢貞方面僅於被踢出劇組後發表過官方立場，其後高賢貞一直未有蒲頭，不過佢與男星李鎮旭合作嘅新片《比老虎可怕的冬季客人》就未受影響，電影公司稱電影會如期於下月12號公映，並公開咗高賢貞、李鎮旭嘅劇照造勢，令外界相當關注高賢貞會否現身宣傳。

不過今日就有報道指，高賢貞將缺席新片嘅所有宣傳活動，包括原定於下月2號舉行嘅新片發佈會、試映會以及相關訪問，至於李鎮旭等主演則會出席宣傳活動。隨後高賢貞所屬事務所亦發表立場，承認高賢貞唔會出席新片所有宣傳活動，但就未有提及缺席嘅原因。

更多韓流，喺晒《娛果》
http://fb.com/appledailyent