當年今日
關於我們

劉家輝收硬膠公仔
TVB被鬧出手低

蘋果日報 2014/05/10 00:00


三年前不幸中風跌倒導致右邊身癱瘓的武打男星劉家輝,早前因獲悉兒子跟有金錢糾紛的助手同一陣線,氣得狂食勁嘔,被送院醫治。直至周三已康復出院的劉家輝應無綫邀請重遊將軍澳電視廣播城,無綫並派出《東張西望》全程直擊。
empty
無綫送TVBuddy給劉家輝,被網民轟出手太cheap。 電視圖片
被迫鏡頭前笑
由於近日《東張》公器私用唱好膠劇《西遊記》惹網民狂轟,《東張》今次擺明借劉家輝過橋大打溫情牌來洗污名。前晚《東張》播出劉家輝重遊電視城片段,其間他見到好友岳華時一度激動落淚,但主持林映輝不停問他「感唔感動」、「開唔開心」,又逼劉家輝合照時對住鏡頭笑,令控制手腳及臉部肌肉都有困難的劉家輝大感為難說:「好難笑呀。」
網民鬧爆無綫借病人做騷賣溫情,節目最後林映輝代表無綫送了硬膠公仔TVBuddy予劉家輝,網民認為出手低和太cheap,其中有網民說:「原來借劉家輝過橋,話自己個台有人情味囉。」也有網民謂:「劉師傅咁俾人擺上枱真陰功。」
empty
劉家輝見到岳華(右)即忍不住落淚。
empty
《東張》主持林映輝不停叫劉家輝笑,令他倍感為難。
代表工作地方
樊亦敏昨在電話中指劉家輝已將TVBuddy帶返護老院放在自己房間,對於網民覺得無綫出手低及太cheap,樊亦敏說:「公司有問過可以有啲乜嘢幫到Gordon(劉家輝),但Gordon仲有積蓄,唔想要其他人幫忙。都好多謝網民關心。可能嗰樣嘢喺物質價值上唔係好多,但公仔係代表佢工作多年嘅地方,對佢個意義大。之前我有問過佢有啲乜嘢想要,咁啱佢間房有公司啲雜誌,佢指住個公仔話:『呢個啦!』我咪同公司講囉,係佢自己揀嘅。」
採訪:白白
empty
劉家輝才剛與助手解決金錢糾紛,近日又被《東張西望》利用硬sell溫情。 資料圖片