《狂舞派》可說是影壇奇葩，有人將功勞歸於宣傳，黃修平堅稱事前完全沒有計算。肥佬黎說：「你齣戲好，social network都係好大嘅宣傳，如果齣戲唔好，冇得宣傳㗎，冇人同你share，冇人同你講，宣傳鬼咩！」黃導則打個搞笑比喻，稱《狂舞派》是九記牛腩，多得有蔡瀾等食家給正評，才會出名。
能夠將製作費控制在530萬之內，監製陳心遙功不可沒，他笑說：「我好心水清第一大前提係死人冧樓、風吹雨打、狂雷暴雨，我都唔可以超支！」嘩！監製這句跟柒良的「夠特別，唔普通，與眾不同」簡直同出一轍！不說不知，陳心遙跟黃修平相識二十多年，年輕時也一起風花雪月及探討人生哲學。之不過，Cherry踢爆兩人日日都為小事吵架，肥佬黎說：「識咗廿年都會嗌交，你真係好大火！」