【本報訊】「Everybodymoveyourbody，不會愛，會跳躍的心，彼此相似，誰對誰有意思，誰共誰大日子，喔喔喔……」有飯食、有橙派、有歌聽，政改辯論第二天，支持陣營繼續逍遙撐政改。他們支持方案的理由包括「為咗大家開心囉」、「通過咗我哋就可以一人一票選特首」，到「有無得選都無所謂，最緊要係個人係咪勤力啫」。跟現場派發的西餅一樣，各有特色。
未到星期日，遮打花園已經變身戶外卡拉OK，保皇黨區議員輪流上台大展歌喉，獻唱多首經典金曲，包括《九百九十九朵玫瑰》、《幾許風雨》、《千個太陽》，油尖旺婦女會的女士穿上紅色polo恤高唱《大日子》，黑長褲加小裙子的婦女載歌載舞。

支持理由：大家開心

婆婆們身穿翡翠綠上衣，結着柯得利夏萍頭，別上七色閃花花，在台上拉動綵帶，搖頭擺腦，把群眾情緒帶到高峯。
民建聯立法會議員劉江華到現場站台，一眾師奶如見肥肉一擁而上，蹺着劉的手臂拍照，展示有「少女成份」的羞怯笑容。
25歲的楊先生在手臂上畫上「超錯」標誌，直言對政改「無乜點睇法」，「支持吓囉，起碼向民主方面踏咗一步……我哋每個人都可以普選行政長官」。任職裝修的田先生昨則請假撐政改，主因是「為咗大家開心」，被問到新方案的民主成份有何增加，他答：「香港始終都係中國嘅地方，所以呢你幫人打工，人哋係老闆，你同人哋無得拗嘅。」