日本艷星壇蜜，近年之所以彈起，全靠男神福山雅治成日喺電台節目中提起佢，仲話自己係壇蜜粉絲，所以先至令壇蜜得到注意而走紅，佢哋甚至因而傳過緋聞，但係福山早前宣佈同女星吹石一惠結婚，佢同壇蜜嘅戀情當然係吹水，不過，今日壇蜜出席活動時，就避談福山結婚一事。

壇蜜今日喺東京晴空塔出席佢家鄉秋田縣嘅物產展，就被問到對福山結婚嘅感想，不過，佢啲工作人員就話同活動無關，唔方便回答，一向識做嘅壇蜜都有講話好感謝福山提拔佢，而且其他提拔過佢嘅人都好感謝。講到咁多日本藝人近來突然宣佈結婚，壇蜜就話好可惜，因為自己暫時都冇咁嘅機會喎。