3.11決戰日，各路候選人都馬不停蹄連走幾場拉票，新民島派出陳家珮喺港島區出選，大戰民主派區諾軒，同區對手仲有任亮憲同伍廸希，相信唔係一場易打嘅使，身為新民黨主席嘅葉劉淑儀瞓身為陳家珮拉票，作為黨友嘅容海恩，又點可以唔幫忙支持？

據知容海恩聽朝早7點半就已經出動，去到鴨脷洲海怡社區會堂陪陳家珮投票。本來都唔係乜嘢新奇事，但同樣陪住投票嘅，仲有同佢傳緋聞嘅袁彌昌。嘩，由一對據聞蜜運中嘅小情人打頭陣造勢，會唔會對陳家珮打咗枝強心針？

而喺助選之時，來自新東嘅容海恩都有跟進地區問題，日前就同公民力量主席兼沙田區議員潘國山、沙田區議員唐學良同公民力量社區發展主任張柏源，同漁農自然護理署官員代表會面，促請政府關注「美猴王」滋擾民居事宜。

【倒數1日】立會補選新聞 《蘋果》一網睇晒
http://bit.ly/appledaily311