基利安麥巴比今個夏天由摩納哥轉投巴黎聖日耳門，呢位小將近日自爆細細個就想模仿施丹嘅所有嘢。咁作為法國人，基利安麥巴比崇拜施丹本來就係好正常嘅事，令人估唔到嘅係，基利安麥巴比當年對施丹嘅著迷程度，令佢連髮型都要抄施丹！

基利安麥巴比話自己細個果陣就已經想學施丹，就連個look都希望係一樣：「果陣我連髮型都想跟足施丹，因為當你鍾意一個球員，佢做乜你都會跟住做。就好似佢食菠菜嘅話，就算你幾唔鍾意食都好，你都會照做。我果陣乜嘢都想似施丹，因為我細個唔知乜嘢叫光頭，所以我叫髮型師將我個頭鏟光，佢仲以為我傻咗！」