當年今日
關於我們

2020大事回顧︱整治公僕令篤灰泛濫士氣低落 梁籌庭:唔可能長期用高壓政策打壓

蘋果日報 2020/12/30 00:15


全體18萬公務員陸續宣誓表忠,但政府對於違誓界線及後果一直含糊其辭。公務員工會聯合會坐擁約1萬名中低層公務員會員,總幹事梁籌庭表示,不少公務員對此感到困惑,不想打工亦要背負刑責風險;過去一年篤灰情況越見泛濫,梁透露公務員士氣低落,相信宣誓後情況將持續,繼而影響公眾服務質素。他籲政府深思管理模式,「唔可能長期用高壓政策去打壓員工言論」。
empty
2011年退休後仍繼續服務工會的梁籌庭稱,「一把年紀仲有咩可以憂慮呢?我覺得講得嘅嘢咪講囉」,笑言籌組多次工運仍未被政府制衡,希望透過僅餘空間為員工爭取權益。謝榮耀攝
梁籌庭以往培訓員工時,教導可暢所欲言,曾笑稱「喺香港鬧政府乜都得,大陸就唔好喇」。但他不諱言,政府過去一年予人鼓勵篤灰的感覺,《國安法》生效後同事匿名「互篤」情況泛濫,而以往舉報通常有關工作表現,但現時大多為網上言論,員工均憂以言入罪。即使投訴最終不成立,受查者也飽受壓力,「坐唔安、食唔落」。他舉例有新入職兩個月員工被翻舊賬,因入職前網上言論遭投訴,他反問長此下去「同事邊有士氣做嘢?」他亦勸喻會員刪除社交平台賬戶,「不論紅黃藍白黑,一定有人挑釁你」。
政府將於月底安排現職公務員宣誓,進一步打擊公務員士氣。梁指大部份會員都「唔知點算」,違誓定義及後果界線模糊令他們感到困惑,工會每日都收到大量查詢,「電話響唔停」。不少同事抱着「我嚟打工啫」的想法,若工作出問題,大不了辭職或被解僱,惟一旦宣誓便須背負隨時因違誓而被刑事檢控的風險,希望釐清「紅線」,「邊啲地方容易踩到地雷,爆死自己」。
empty
梁籌庭個人對宣誓「冇乜所謂」,但強調「我都係嗰句:可唔可以畀我睇清楚條底線喺邊?」謝榮耀攝
梁亦質疑,一般公務員要求只負責執行命令、沒有能力影響政策制訂;加上《公務員事務規例》已列明公務員須對特首及政府完全忠誠,政府可隨時出動「尚方寶劍」,利用行政命令勒令員工提早退休或直接解僱,已足夠制衡公務員,「除非你真係想公務員因為講錯一啲說話,違背誓言時,你想佢坐監啦」,推測政府目的只為限制言論。梁指現時經濟較差才未見大規模離職潮 ,但有會員憂「衰多口」批評政府而被檢控違誓,已向他表明不會宣誓,辭職「唔玩喇」。
梁預料,宣誓後篤灰文化將會持續,員工亦難以盡心工作,繼而影響公眾服務質素;對於慣於自由表達意見的80、90後年輕公務員,「就算洗腦你都洗唔到」,他籲政府深思管理模式,強調應與員工溝通,「唔可能長期用高壓政策去打壓員工言論」。
記者 鍾家寶
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁