「突然間收到張電子帳單成五萬幾蚊,個心即刻離一離,以為發生咗乜事!」
於今年一月開始使用So-netHK上網服務的余先生,於9月5日中午檢查電子郵件時,發現該公司於同日凌晨三時發出電子帳單,着他繳付由1970年至今的月費,合計六萬多元,扣除不知名的萬多元費用後,他須繳付五萬多元月費,令他嚇了一跳。
着繳34年累積費用
「我第一眼見到張單真係嚇親,後來見到由1970年開始計,就知道佢哋出錯單,嗰時個心先定番。」他即時致電So-netHK熱線,欲向職員查詢,但多次致電也無人接聽。其間,他突然想起上網月費一直以信用卡自動轉帳支付,且剛好在這數天內扣數,令他擔心其信用卡會因此而被扣除五萬多元。
恐信用卡帳戶被過數
因他日前得知So-netHK上網服務,會於今年9月6日轉移至網上行繼續,「萬一我真係俾人扣咗五萬幾蚊,咁我應該去邊一間公司追番啲錢?𠵱家得番一日時間,我打極熱線都冇人聽,今日5號重係星期日,令我覺得好無助。」
他稱,縱然事後有職員跟進事件,但如果無辜被扣取五萬多元,也會「碌爆卡」,而等待有關公司退回款項,亦定必很費時。