當年今日
關於我們

【武漢肺炎】國泰乘客凌晨抵港苦等12個鐘仍無檢疫結果 亞博館內慘遭無限期「罰坐」

蘋果日報 2020/07/06 16:07

機場【武漢肺炎】

【22:15】衞生署回應
武漢肺炎疫情不穩定,港府對入境旅客現仍實施在機場博覽館等候檢疫結果措施,今日一批為數約百人的入境旅客,由加拿大多倫多乘坐國泰CX 829航班返港,今日凌晨4時抵港後,卻被為「早上機」,不獲安排到酒店休息,結果苦等至今午4時足足12個鐘,仍未有檢疫結果,只能在亞博館的椅子上呆等無法睡覺,恍如「罰坐」等消息,苦不堪言。乘客陳小姐對《蘋果》表示,有職員解釋化驗室至今午仍未能提供檢疫結果,所以他們未能離開亞博館。陳女最不滿化驗安排混亂,竟出現「遲來先上岸、遲抵港反可去酒店休息」的情況,「佢叫我哋一定要等結果,先會畀我哋走,反而之前一班中午12點後先抵港嘅航班乘客,可以直接到酒店過夜等檢疫結果,我哋呢班凌晨到港嘅乘客就硬食,要喺博覽館等,冇得休息。」
就陳小姐提供的照片所見,機場亞博館檢疫中心安排了一張張獨立的枱椅,讓每名抵港乘客彼此分隔超過1.5米,就像考DSE般,沒有床舖等設施,各人就是坐在椅子上,或伏在枱上休息。這些乘客既不能睡在地上,也沒有地方可洗澡或梳洗,非常狼狽。
陳小姐形容非常辛苦,好似「罰坐」一樣。「因為係直航,由多倫多到港坐咗14個鐘,凌晨4點到港,依家已經等咗差唔多12個鐘,仲話未走得,呢度好多都係一家人有大有細,有老人家,由多倫多屋企出發到依家已經超過26小時(好難捱)。」
她批評港府提供的資訊錯誤,令她大失預算,「因為我睇過資料,話到咗機場等檢疫結果都係大約7至9個鐘,我衡量過,覺得頂得順,先揀凌晨到達香港機場,點知佢竟然延遲咁耐都未有結果,如果知道係咁,我會揀中午才到港嘅航班,可以直接去機場酒店過夜等結果,唔使咁辛苦。佢依家又唔畀我哋走,又唔畀我哋去酒店等結果,缺乏彈性處理,令旅客備受折磨。」
陳小姐續稱:「其實我哋每一個人嘅隔離令上面都寫得好清楚,我哋會去邊度隔離14日,而且登記嘅時候仲打電話畀我哋,要顯示畀佢睇個電話響緊先放人,佢地大可以先放我哋走之後,萬一有人陽性先再追蹤。」
衞生署發言人回應,現時大部份須於亞洲國際博覽館等候檢測結果的入境人士的等候時間約為8至12小時,個別人士或因不同原因等候時間可能更長。
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆,我敢獎! 立即WhatsApp《蘋果》24小時爆相爆片熱線致電:63836568