楊千嬅、楊思琦、張文慈及陳法蓉等，今晚在西九龍出席珠寶品牌晚宴。

鍾嘉欣近日重提10年前在番禺拍《人生馬戲團》被惡人追斬，當日原是為楊思琦慶生，楊思琦今日就回應表示：「嗰日同同事唱完K幫我慶生，1點幾走時截的士，但就見到成班人好似一列火車咁開Van仔門，向我哋方向講別走，我哋即刻逃跑。」當時樂小姐叫大家封咀?佢話:「係，公司叫我哋唔好講，好多朋友都知，但o依家過咗10年都冇所謂。」當時唐文龍同陳浩民可在場?佢話:「當時Michael(唐文龍)在場，陳浩民就唔記得。」係咪匿咗2個鐘?佢話:「唔知呀?總之我就覺得好耐，係人生中最接近死亡一次，好多謝Linda，同佢成為生死之交。」

外間有傳她被性侵犯?思琦澄清：「梗係冇啦!係仲走得甩咩，連條命都冇埋。但我都有後遺症，Van仔開門自己都留意，keep住發惡夢，好內疚，大家都係為我慶祝，有工作人員被斬到手同大髀都流血。」