有些馬跑落屢戰不勝，未必質素差，亦並非健康有問題，而是脾氣欠佳，不肯專心操練及比賽，葉楚航馬房「贏馬神器」可能就是此類馬。

4歲澳洲自購新馬「贏馬神器」至今7戰未上名，陣上不止一次有過出閘緩慢的紀錄，連晨操有時也製造麻煩。像今朝此駒由助手於泥地大跑道快踱一圈，期間直路上突然發脾氣片來片去，極不規矩，令馬鞍有點向前滑移，搞到助手失平衡十分狼狽，幸好最終冇釀成意外。

「贏馬神器」馬主為米蘭站創辦人姚君達，此駒上季試過在四班谷草1200米，外叠望空劣勢下仍跑第五，輸不足兩馬位，其實有一定戰鬥力，如今落到五班39分，而且畢竟只4歲，一旦脾氣改善冒勇，當然有能力打開勝門。