韓國男團BIGBANG隊長G-DRAGON（GD），今日快閃香港6小時，早上飛嚟香港，下午出席代言品牌嘅見面會，下午5時35分再次包到冚現身機場，準備飛返韓國，近百粉絲現身送機。

GD換返今早到香港時套衫，戴上帽及口罩現身，雖然佢keep住低頭㩒電話，但當佢見到粉絲後即多次揮手。今次粉絲送機就明顯有秩序好多，未有造成混亂。