【韓流】被爆已低調返韓 Rain金泰希梨泰院咖啡店甜蜜約會
金泰希rain
韓流天王Rain跟大肚老婆金泰希上月底飛去意大利進行「胎教旅行」,一向低調嘅兩人早前被捕獲現身羅馬機場,但未知兩人嘅目的地,不過今日就有報道指Rain夫婦已經秘密返韓,仲喺梨泰院甜蜜約會。
據韓媒《YTN》報道,Rain孖住陀B老婆金泰希喺咖啡店享受二人世界,雖然兩人都係藝人,但都唔在意其他人嘅視線,度過悠閒時光。據知該咖啡店環境幽雅,相當受女性歡迎。報道又指Rain夫婦正在裝修嘅愛巢同樣位於梨泰院,兩人係去睇新屋裝修進度,先會現身梨泰院嘅咖啡店。
據悉Rain及金泰希嘅新屋已經裝修咗3個月,所有裝修工作由Rain父親管理及監督,並預計本月尾完成所有裝修工作,而金泰希產後就會正式搬入新居。
另外,Rain噚晚喺Instagram上載喺外國嘅相,唔知係咪舊相呢?
Rain噚晚喺IG上載身處外國嘅相,唔知係咪舊相?