現年43歲日本諧星陣內智則前妻係藤原紀香，但兩人婚姻只維持兩年，於2009年離婚收場。紀香去年已再婚，嫁男星片岡愛之助，陣內智則今早亦宣佈再婚消息。

陣內智則今早於節目宣佈再婚，與主播松村未央結為夫婦，拍檔南原清隆即遞上花束話：「又結？恭喜！」陣內智則無奈苦笑。兩人亦透過事務所向日本各大傳媒公告已婚消息，指兩人會組織充滿歡笑嘅幸福家庭，佢又話噚日係女友31歲生日，但因為係大凶之日，先決定於今日吉日入紙註冊。

當年陣內智則承認因婚外情，以致同紀香婚姻破裂，佢之後於2014年被雜誌踢爆戀上松村未央，女方自由出入其寓所，佢哋係於2012年開始發展，不過期間陣內智則再被指偷食，感情曾不被睇好，但佢作否認，兩人戀情最終亦能修成正果。