該政界人士稱,中央要全面清除港獨聲音是國策,「唔會有絲毫改變同妥協」,不過北京自己也面對大堆外交、經貿難題要處理,所以要消滅港獨、取締民族黨之餘,「唔想節外生枝,將件事搞到國際關注,甚至有外國政府憂慮打壓香港言論自由」,所以他傾向相信北京只是調整手法,以較低調手法殺民族黨。
他又留意到一向「緊跟」陳浩天的梁振英,近日沒有在社交網發文追殺陳向美國總統特朗普發公開信一事,「當然梁振英可能今日就出文,但以佢跟陳浩天動向跟得咁貼,人哋上晝講完佢下晝就貼文,今次梁振英冇立即追住陳浩天咬,令人覺得唔係咁尋常」。
■記者莫劍弦