韓國男星孔劉、金高恩、李棟旭、劉仁娜主演嘅tvN新劇《鬼怪》將於星期五首播，劇組連日來都公開新劇照同花絮照造勢，今日就公開孔劉跟李棟旭嘅新劇照。

新劇照中孔劉跟李棟旭都穿上黑色長褸，從一片迷霧中行出嚟，眼神犀利，加上二人模特兒嘅身高，十足行catwalk咁。

劇組表示呢一幕於本月11日喺仁川拍攝，為拍攝劇情所需嘅夜景，兩人於片場一直等到天黑，不過兩人都冇等到好煩躁，一直耐心等待。

新劇講述孔劉係擁有不死之身嘅鬼怪，李棟旭就係有失憶症嘅死神，兩人展開奇妙嘅同居生活，未播已叫劇迷非常期待呢一對「HeHe」好友。