韓國人氣綜藝節目《Running Man》(RM)成員HaHa於2012年同歌手星拉埋天窗，於隔年7月生咗第一個囝囝。而今日兩人再傳出好消息，指HaHa老婆目前陀緊第2胎，已經懷孕4個月，預計預產期於下年4月。

據了解HaHa近日錄製綜藝節目《無限挑戰》時已經向現場嘅成員如「國民MC」劉在錫等人公佈喜訊，而HaHa同星嘅親朋好友亦都有送上祝福。HaHa嘅所屬事務所亦表示：「目前星正專注於胎教，HaHa都細心地照顧太太，為迎接第2胎做準備。」不過就冇透露到星陀緊囝定囡，唔知會唔會湊成個「好」字呢？

另外，同為《RM》成員嘅女星宋智孝，目前正趕拍本月尾播出嘅JTBC新劇《老婆這週要出牆》，而劇組今日就公開眾主演嘅海報，畀粉絲先睹為快。