松岡李那及導演鄺晨風（Byron）等噚日喺觀塘為松岡廣東話新歌《無敵愛美神》拍攝MV，雖然主角松岡cosplay愛美神，又換白色露腰背心短褲跳鋼管舞，不過風頭仍被Byron搶去。事關大會喺新聞稿上特別標明Byron係鄧紫棋（G.E.M.）初戀男友。對於舊戀情被擺上枱，Byron起初有啲驚訝，佢話：「我啱啱先知，冇話擺唔擺，都係做嘢啫。」佢仲話之前已經被人影過，所以唔會太介意。
講到G.E.M.衝出宇宙之後被指耍大牌，Byron就保護前女友：「冇乜特別，佢冇變過，佢同我哋仲係好friendly。」Byron坦言𠵱家同G.E.M.仍有聯絡，大家仲係朋友，問到將來如果G.E.M.搵佢執導MV會唔會應承？Byron就話都係一項工作，所以冇所謂。

林德信聽完齋笑

廣東歌，問到佢男友林德信有冇聽過同畀意見？佢話：「他聽完只是笑，笑我發音，但就沒說其他。」松岡透露6年前已喺日本學過鋼管舞，不過當年香港仲未流行：「來香港之後都沒跳，因為當時大家覺得很低級，近年才流行，現在自己都會跳。」松岡又話嚟緊希望唱番歌，因為佢喺日本亦係唱歌出道。
馮仁昭噚日都有聽到松岡唱嗰首歌，雖然佢啲廣東話真係麻麻，聽落仲唔係好知佢唱乜，但係感覺到佢好落力，所以都要讚佢有勇氣。
撰文：馮仁昭