日本女子組合乃木坂46近年氣勢如虹，主將白石麻衣被封寫真女王，今年2月上架嘅《passport》更成為本世紀最暢銷寫真集連帶乃木坂嘅姐妹團櫸坂46都越戰越勇，兩位成員長濱禰留、渡邊梨加嘅新寫真集近日都登上Amazon訂購榜前兩名，令「坂道」系列幾乎壟斷當地寫真界。

乃木坂嘅白石麻衣、松村沙友理已係銷量保證，另一成員伊藤萬理華為紀念22歲生日，近日都宣佈明年2月20日推出首本個人寫真集，伊藤早前到香港油麻地、鰂魚涌等地取景，展示出香港特色。

近期芸芸寫真集中，35歲嘅深田恭子新書《palpito》力抗一班妹妹仔，仲以貴一截嘅定價打進榜內五甲，而呢本寫真集安排本月20日發售，近日恭子又公開到意大利取景嘅花絮造勢。

更多娛果，喺晒《娛果》
http://fb.com/appledailyent