【韓流】秀智新劇不敵河智苑 《醫療船》冧莊收視冠軍
收視秀智李鍾碩醫療船當你沉睡時
韓國「國民初戀」秀智夥拍韓劇《W》男星李鍾碩主演嘅SBS新劇《當你沉睡時》噚晚首播,收視率比上檔劇集《再次重逢的世界》大結局兩集小幅上升,第一、二集嘅收視率分別為7.2%及9.2%,成績都算唔錯,排同檔劇集第二名。
至於河智苑、姜敏赫主演嘅MBC《醫療船》繼續做收視冠軍,不過劇集似乎受《當你沉睡時》開播影響,噚晚兩集收視率跌至9.8%及10.6%,比上周兩集跌咗0.7%及1.8%,而金在中、UIE主演嘅《Manhole》將於今晚結局,但噚晚一集收視再次跌穿2%,以1.9%收視率包尾墊底。
另外,除咗秀智喺劇集開播前喺Instagram谷劇,李鍾碩於首播後亦更新IG,表示自己以觀眾身份睇劇都覺得好有趣,大讚劇集好睇,又預告精彩內容下周開始。