聽日就係萬聖節，噚日同今日都有好多萬聖節P同活動舉行，玩得開心過癮嘅應該唔止班大人，仲有啲Cosplay咗嘅小朋友，趣緻到呢！

好似鄭希怡（Yumiko）個女梁子柔（梁浸浸）咁，今日化身成一粒士多啤梨跟阿媽參加萬聖節party，1歲幾嘅梁浸浸睇嚟冇有怕，入到鬼屋都仲氣定神閒，Yumiko話個女仲大膽過自己。不過，最令梁浸浸開心嘅，就係去玩涭梯，人仔細細膽仔好大，佢喺滑梯底逆行而上，再順勢一滑，落到地嗰陣仲笑得勁開心！

至於圈中另一萌B、梁詠琪（GiGi）個混血囡囡Sofia今日都有現身，不過佢就唔係玩萬聖節主題，反而係一身白咁唱歌仔，GiGi仲出題叫大家估吓佢千金鍾意唱咩歌，唔知有幾多人估到呢？