建制派稱網上充斥「抹黑」警隊訊息促立法打擊 郭偉强轟徐英偉講嘢細聲「良心有愧」
蘋果日報 2020/12/09 13:57
郭偉強徐英偉廖長江陳志全立法會
工聯會立法會議員郭偉強強烈不滿徐英偉的回覆，批評徐發言時「好細聲，同埋一輪嘴」。本報記者攝
曾在立法會強行拖拉前立法會議員陳志全的工聯會立法會議員郭偉强，今早（9日）在立法會提出口頭質詢時，聲稱去年下半年，抹黑警方和煽動仇恨等虛假及危害公共安全的信息充斥互聯網，要求政府制定專項法例，打擊在網上散播假消息的行為。民政事務局局長徐英偉回應時拒作正面回應，只稱制定專項法例，涉及多項複雜及具爭議性的議題，如在法例上需要加強工作，當局會檢視。
郭偉强強烈不滿徐英偉的回覆，批評徐發言時「好細聲，同埋一輪嘴」，「你（徐英偉）係戴口罩講嘢唔方便，定因為唔肯設立主項法例，而良心有愧？」又指世界不同地方已經努力打擊網上假資訊，「係咪要《港區國安法》咁，要國家幫我哋立法打擊呢啲假資訊？」徐英偉回應時則稱：「可能我講慢啲會比較清晰啲，始終有好多內容喺裏面」，重申政府在有法可依下，定必嚴正執法，「如果法例有需要加強工作，我哋亦會檢視呢方面嘅工作。」
廖長江轟「不作為」
建制派「班長」廖長江批評徐英偉席間的回應「似乎係為『不作為』搵藉口」。本報記者攝
對於徐英偉拒絕制定專項法例打擊假訊息，多名建制派議員會上亦作「車輪式」炮轟。經民聯林健鋒批評徐英偉「知道現時個情況，但又唔做嘢」；建制派「班長」廖長江亦質疑徐似乎將發放假消息，混淆為煽動教唆犯法，又批評徐席間的回應「似乎係為『不作為』搵藉口」。徐英偉回應時則指，法改委已成立小組，檢視現行法例是否需要修改，「現階段未有新訊息可以同大家公佈」。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！