【賭馬講呢啲】頭場複製連贏！「安定繁盛」反敗為勝（妙瞳）
蘋果日報 2019/12/25 21:55
妙瞳賭馬講呢啲安定繁盛頭場複製連贏
安定繁盛（近）上賽不敵身旁的餘皇屈居亞軍
因應下半年香港社會運動一個接一個，今季也曾兩次因此取消賽事，為免入場馬迷及馬會員工散場後出現交通阻滯，最近不論日馬抑或夜馬，馬會也提前了開跑時間。
當然後者與夜馬跑九場有關，根據馬會早前說法，這特別安排會實施到元旦之前，然後再作檢討。
眨眼間已到年尾，究竟新一年是否繼續提前開跑，直至執筆前馬會未有表示！
不過，徵詢過其他戰友意見，普遍都受落日馬早開早散，5點左右跑完，更方便出席晚間家庭聚餐，兼且就算賽日途中有突發事件令每場開跑時間延遲，也不會像過往般，由天光跑到天黑。
所以打後日馬順勢早開早收，值得馬會諗諗，但會否因開跑太早，影響馬會歐洲時區的匯合彩池生意，可能是唯一負面考慮。
正常谷草夜馬跑九場，頭場唔夠7點鐘開跑，上班族要入場的確較難。
不過，明晚（26日）為拆禮物日公眾假期，大家應該唔使趕住入場。
頭場五班1200米，「餘皇」及「安定繁盛」剛戰於騎師賽頭場同程構成連贏，如今再次狹路相逢。
伸算賽後評分調整，再加上檔位由11轉6，「安定繁盛」應可反先「餘皇」，以這兩駒上次已交出值四班賽入圍表現指數，有機會開出翻版Q。
至於尾場三班1200米，「知道必勝」前仗谷草同程全程外遊奪季，難度甚高，上次縮程跑1000米，落飛黨照賭，可惜末段太快爆不起。
今次重返1200米對症下藥，再加上1檔之助，值得再追。