成日話娛樂圈青黃不接，其實近年圈中人都不停自給自足，明星歌手嘅下一代湧住入行，繼阿Lam仔林德信加入樂壇後，另一個趕科場嘅，話會係譚詠麟個寶貝仔曉風喎！

今日有報道話，阿倫同二奶Wendy生嘅17歲獨生子曉風，十優狀元高材生，阿倫一直寄予厚望想佢做專業人士，但原來曉風鍾意唱歌夾band，卻被老竇阻撓，令兩父子一度關係緊張。報道仲話阿倫因為咁向正印莎莉吐苦水，而一直潛心學佛嘅莎莉反而勸阿倫放低執著，順應自然喎。

報道話甚尊重莎莉嘅阿倫最終屈服，仲穿針引線讓環球唱片簽自己個仔，預計年底開始錄音，出年暑假出碟。樂壇不久又多一個第二代o既生力軍呀。