早前南華前足主羅傑承同華人置業前主大劉被澳門初級法院，裁定行賄及洗黑錢罪成，判監五年三個月。上訴期間，香港賽馬會基於「事件有損香港賽馬會形象」，已終止二人嘅馬會會籍，咁咪冇得去馬會食飯？

《蘋果》今日午飯時間，就喺中環撞到羅傑承同太太去撐枱腳，冇得去馬會都唔緊要，佢哋就好sweet咁去咗威靈頓街間來佬餐廳，食飯時有講有笑，完全冇被其他事困擾。食了接近2小時至走，羅生兩公婆仲繞住手離開，羨煞旁人。

而呢間來佬餐廳一啲都唔平民，食籠叉燒包都28元，食家蔡瀾都介紹過，出品一向有保證。