當年今日

  誠哥晚宴只講八字真言 - 李八方

蘋果日報 2002/01/05 00:00


昨日係婚嫁好日,亦係請客佳期。李嘉誠嘅長江實業集團就揀咗呢日搞周年晚宴。席設會展中心大禮堂,除咗大超人、小超人、霍建寧大班等主人家之外,小電王米高嘉道理、行會成員李業廣等都有到,參加員工就有千二人,創咗歷年最高紀錄。
不過呢個係私人宴會,所以唔招呼記者,但李嘉誠仍然應邀行出嚟任人影相,問佢經濟前景點睇,佢話唔答得㗎──因為答得一條問題就要答第二條,所以乜都唔肯講,只係講咗一句咁多,就係新年願望係「健康快樂、心想事成!」
對記者唔講嘢,對員工就冇所謂。超人在晚宴致辭都講咗好多睇法。佢話自己喺香港生活咗超過六十年,深信事在人為,可以面對任何困難;又話今年仍會係波動嘅一年,挑戰更大、通縮持續,希望啲同事加強危機意識。
至於昨晚的獎品,與往年差不多。


E-mail:[email protected]